-Telou ih mudip wagen likou a tudip, mei kenah mejuk keman perubahan. Jelau-lau bei mak bareng bertuker; pokok tumbuk, tarikh tuker, pilihanraya. Jelau-lau bei mak bareng nyadin jakin.
-Wang telou mudip alah ih, telou mei seder telou ih makin melai makin lakei. Biah makin lau makin pedes, bajou kian lau kian sebit, kalender kian lau kian tigek. Telou mei seder, telou pilak mak, pasal bareng yin berlaku tiap-tiap lau, tiap-tiap waktu, tiap-tiap saat. Yinlah mun telou seder, selalu telou kelijah. Kelijah mei buyak kik, buyak telou mei perati masa atang-atang. Maka ngak jebulen, maka ngak jeta'un.
-Samah kawak akou. Pilak-pilak akou ih dah lakei, dah teluwes. Umur 22 ta'un, agei bujang, nyin mei merasa nasang lakei, maka umur 22 ta'un ih idak dah kawan ko menikah. Nang selaka kawaklah mun senged hal yin. Maka akou dengah kenaan can agei. Agei jemanak nasang.
-Sekali bei labih berita keman lebuk janek akou ngak betaik. Aish. Nyin marak legah. Tapi mun fikir udik, mei lah legah nou. Ngak 6 bulen nyin menikah sabei. Mei lah legah. Akou mak mei seder. Selaka. Akou ih bavo ka, maka dengah lakei akou ih. Ka akou ngak lakei? Kali.
-Nyabik Allah Taala pilak-pilak tang keluarga akou tan mejuk mak keman matah akou ih. Akou kuduk ted nawan, tiap lau sengsara bak mulik mak nasang. Jiwa terseksa mun ubak tou Melayu. Kuduk wang bilit japah, keman japah, temuk mei temuk debei nawan bak lalek, sakai debei angai. Sakai rapet mejuk, sakai giih akou mei berkenan laus. Nang alah ih ah mudip. Bak komplen nou agik. Ih mudip ji penilik kou. Kou bei pilik sabei, penilik salak kali tapi mei gunah mun penikir didak laus.
No comments:
Post a Comment